Listamaðurinn sem helgaði sig borginni
20.06.2017 | Fréttir
Leiðsögn með Hjálmari Sveinssyni: Sunnudag 25. júní kl. 14.00 í ÁsmundarsafniHjálmar Sveinsson, heimspekingur og borgarfulltrúi ræðir um list myndhöggvarans Ásmundar Sveinssonar og tengsl hennar við borgarlandið í tengslum við sýninguna List fyrir fólkið í Ásmundarsafni.Ásmundur vildi hafa verk sín úti í borgarrýminu svo að borgarbúar gætu notið þeirra í sínu hversdagslega lífi. Sennilega á enginn listamaður jafnmörg verk í almenningsrými borgarinnar og Ásmundur.Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur
